دنیا بھر میں اپنی کمیونٹی کی ذہنی صحت کی معاونت کے لیے ہم نے ہر عمر کے صارفین کے لیے مائنڈ فلنیس یعنی ذہنی سکون کی مشقیں مزید قابلِ رسائی بنانے کے لیے ایک نیا ان-ایپ گائیڈڈ میڈیٹیشن فیچر متعارف کروایا ہے۔

یہ فیچر آپ کی ٹِک ٹاک ایپ کی زبان کی سیٹنگ کے مطابق اردو اور انگریزی دونوں میں دستیاب ہے۔ ذہنی صحت کی تعلیم کوفروغ دینے کی غرض سے ہم نے 2.3 ملین ڈالر مالیت کے عالمی فنڈ کا بھی اعلان کیا ہے جو دنیا بھر میں قابل اعتماد تنظیموں کی معاونت کرتا ہے۔

صارف خواہ اسکول کے معاملات سے نبرد آزما نوعمر طالب علم ہو یا روزمرہ کے دباؤ کا سامنا کرنے والا بالغ فرد، یہ نیا فیچر ذہنی سکون حاصل کرنے کا ایک سادہ اور آسان ذریعہ فراہم کرتا ہے۔ یہ تمام اقدامات ہمارے ڈیجیٹل ویلفیئر اور ٹیکنالوجی کے ذریعے مثبت سماجی اثرات کو فروغ دینے کے لیے وسیع تر عزم کا حصہ ہے ۔

ان -ایپ میڈیٹیشن ٹول ہماری پوری کمیونٹی کے لیے ہے

بہتر نیند اور ذہنی تندرستی میں معاونت

سلیپ آوور کی موجودہ خصوصیت کے ایک جزو کے طور پر ، میڈیٹیشن کا نیا تجربہ صارفین کو گائیڈڈ مشقوں کے ذریعے رات کے اوقات میں پرسکون رہنے میں مدد فراہم کرنے کی غرض سے تیار کیا گیا ہے۔

تحقیق سے پتا چلتا ہے کہ دماغی مراقبہ ہر عمر کے لوگوں میں نیند کے معیار کو بہتر بنا سکتا ہے، لہٰذا ہم نے تمام صارفین کو اُن کی عمر سے قطع نظرسلیپ آوورز کی صورت میں میڈیٹیشن متعارف کرایاہے۔ اٹھارہ برس سے کم عمر صارفین کے لیے یہ فیچر ڈیفالٹ طور پر آن رہتاہے۔ رات 10 بجے کے بعد ، نوعمروں کےلیے”For You“ فیڈ کو عارضی طور پر گائیڈڈ میڈیٹیشن پرامپٹ سے تبدیل کردیا جاتا ہے۔ اگر وہ براؤزنگ جاری رکھتے ہیں تو ایک دوسری ، مشکل سے ہٹنے والی اسکرین ظاہر ہوتی ہے ، جس سے اسکرین کے صحت مند وقت کی عادات کو تقویت ملتی ہے۔ ایک حالیہ انٹرنل ٹیسٹ میں ہمیں معلوم ہوا ہے کہ 98 فیصد نوجوانوں نے میڈیٹیشن کی خصوصیت کو جاری رکھنے کا انتخاب کیا۔

بالغ صارفین اپنے اسکرین ٹائم کی ترتیبات سے دستی طور پر نیند کے اوقات کو فعال کرسکتے ہیں۔آج کی تیز رفتار دنیا میں خود کو پرسکون کرنا پہلے سے کہیں زیادہ اہم ہو چکا ہے۔ ماہرین ذہنی دباؤ کم کرنے اور توجہ بہتر بنانے کے لیے روزانہ کم از کم 10 منٹ کی میڈیٹیشن تجویز کرتے ہیں ۔جاما انٹرنل میڈیسن اور ہارورڈ ہیلتھ کی تحقیقات کے مطابق، سونے سے قبل 10–15 منٹ کی میڈیٹیشن نیند کے معیار کو بہتر بناتی ہے، ذہنی دباؤ کم کرتی ہے اور جذباتی توازن برقرار رکھنے میں مدد دیتی ہے۔

ذہنی صحت کی تعلیم کے فروغ کے لیے عالمی سطح پر 2.3 ملین ڈالر کی سرمایہ کاری

ہم نے اپنے 2025ء کے مینٹل ہیلتھ ایجوکیشن فنڈ کے ذریعے 22 ممالک میں ذہنی صحت کی 31 تنظیموں کی مدد کے لیے اشتہاری کریڈٹ میں 2.3 ملین ڈالر عطیہ کرنے کا اعلان کیا ہے۔ یہ فنڈنگ ہماری زیر قیادت تربیت کے ساتھ شراکت داروں کو وسیع سامعین تک پہنچنے کے لیے دلچسپ، قابل اعتماد ذہنی صحت کا مواد تیار کرنے میں مدد کرے گی۔

ہم اب اس اقدام کو پورے جنوبی ایشیا میں پھیلانے کوشش کررہے ہیں ، جہاں ذہنی صحت کے بارے میں بات چیت زور پکڑ رہی ہے۔

ہماری ریجنل ٹرسٹ اینڈ سیفٹی لیڈ برائے جنوبی ایشیا ،عاصمہ انجم بدلتے ہوئے منظرنامے پر روشنی ڈالتے ہوئے کہتی ہیں:”ذہنی صحت کے بارے میں بات کرنا کبھی جنوبی ایشیائی مارکیٹوں مثلاً بنگلہ دیش،سری لنکا ، پاکستان اورنیپال میں ممنوع سمجھا جاتا تھا ۔ لیکن بڑھتی ہوئی آگاہی اور کھلے مکالموں کی بدولت رویوں مثبت تبدیلی دیکھنے میں آرہی ہے ۔ اب زیادہ سے زیادہ لوگ بول رہے ہیں، مدد طلب کر رہے ہیں، اور فراہم کی جانے والی مدد کو اپنا رہے ہیں۔ یہی وجہ ہے کہ ہم اس مثبت تحریک کو چلانے اور اپنی کمیونٹی کی فلاح و بہبود کو فروغ دینے میں مدد کے لیے ایپ ٹولز اور عوامی آگاہی کے اقدامات میں سرمایہ کاری کرنے کے لیے پرعزم ہیں۔“

فلاح و بہبود کے لیے مستقل عزم

میڈیٹیشن کی خصوصیت اور دماغی صحت کے تعلیمی فنڈہماری ڈیجیٹل تندرستی اور سماجی اثرات کے لیے وسیع تر وابستگی کو تقویت دیتے ہیں۔ اس کے علاوہ ، ہم صحت مند ڈیجیٹل عادات اور فلاح و بہبود کو فروغ دینے کے لیے تعلیمی فیڈز ، حفاظتی ٹولز اور والدین کے کنٹرول شامل کررہے ہیں، خاص طور پر نوجوان صارفین کے لیے۔ خواہ وہ #GivingSzn چیریٹی ڈرائیوز کے ذریعے ہو، ایس ٹی ای ایم فیڈ سیکھنے کے لمحات کے ذریعے ہو، یا گمشدہ بچوں کی بازیابی میں مدد کے لیے امبر الرٹس کا جواب دینا ہو۔

ٹیکنالوجی، کمیونٹی انگیجمنٹ اور غیر منافع بخش تعاون کو یکجا کرکے ہم ایک ایسا پلیٹ فارم بننے کے اپنے عزم کا اعادہ کر رہے ہیں جو بامعنی تبدیلی کے ذریعے نہ صرف تفریح فراہم کرتا ہے بلکہ برادریوں کو بااختیار بھی بناتا ہے۔

فلاح و بہبود اور حفاظتی اقدامات کے بارے میں مزید معلومات کے لیے، براہ کرم ٹک ٹاک نیوز روم یاٹک ٹاک یوتھ سیفٹی اینڈ ویل بینگ سینٹر ملاحظہ کریں۔