TikTok
Қысқа бейнероликтерді жасауға және көруге арналған TikTok платформасы Қазақстан Республикасының Оқу-ағарту министрлігі және Ғылым және жоғары білім министрлігінің қолдауымен #УчителяКазахстана байқауын өткізуді жоспарлап отыр. Байқау қатарынан үшінші жыл өтіп жатыр. Оған мектеп мұғалімдері мен колледж және жоғары оқу орындарының оқытушылары қатыса алады. Конкурсқа қатысу үшін ұстаздарға өз пәні туралы бейнероликтерді платформаға жүктеу қажет.
2022 жылы TikTok платформасы Қазақстан Республикасының Оқу-ағарту министрлігінің қолдауымен елдегі мектеп мұғалімдеріне арналған байқауды алғаш рет өткізді. Ал 2023 жылы Ғылым және жоғары білім министрлігімен серіктестіктің арқасында байқауға жоғары оқу орындарының оқытушыларын да шақыру мүмкін болды. #УчителяКазахстана бастамасы елдегі көптеген мұғалімдерге платформаның көрермендерімен білім алмасуға шабыт берді. Өткен жылдардағы жеңімпаздар – Ботагоз Омарова, Игорь Гноевой және Хайдар Мурзахметов– миллиондаған лайк жинап, көпшіліктің ықыласына бөленді. Қазір #УчителяКазахстана хештегі бойынша 20 мыңға жуық жарияланым бар.
«#УчителяКазахстана байқауы менің контент авторы және мұғалім ретіндегі дамуыма маңызды әсер етті. Байқаудың арқасында мен білім беру контентін құрастырудың жаңа тәсілдерімен таныстым да, ол маған білімді қызықты түрде бөлісуге мүмкіндік берді. Осы арқылы мен дәстүрлі оқыту әдістерінен асып, күрделі тақырыптарды оқушыларға қарапайым әрі тартымды түрде түсіндіру жолын таптым. Мен үшін оқушыларымның физиканы талқылап, өз ойларын ортаға салып, тіпті тәжірибелерге жаңа идеялар ұсынғанын көру ерекше қуаныш болды», — деп айтты 2023 жылғы #УчителяКазахстана байқауының жеңімпазы, физика пәнінің мұғалімі Хайдар Мурзахметов.
«TikTok-тағы аккаунтымды байқауға дейін бір жыл бойы жүргізіп, 35 мың оқырман жинаған едім, байқау барысында маған тағы 100 мың адам жазылды. Сол сәтте менің дұрыс жолда екенімді сезіндім. Менің кез келген видеомды ашсаңыз, менің мұғалім ретіндегі қасиеттерім туралы көптеген жақсы комментарийлерді көресіз. Менің ойымша, бұл TikTok-тың білім беру платформасы ретінде жас ұрпаққа көп көмек беретінін дәлелдейді. Егер видеоларды қарапайым мұғалім ретінде түсіре берсем, жас жазылушылардың қызығушылығын тудыра алмайтынымды ойладым. Сондықтан басқа тәсіл табу керек деп ойладым! «Бұл TikTok байқауында жеңіске жетуде шешуші рөл атқарды», – деп бөлісті #УчителяКазахстана 2023 байқауының жеңімпазы, орыс тілі мен әдебиеті мұғалімі Ботагоз Омарова.
«#УчителяКазахстана байқауының арқасында мен өз аккаунтымды әрі қарай дамытып жатырмын, қазір ол білім алу үшін ақпарат іздейтін жастар арасында танымал болып отыр. Мен TikTok-ты жаңадан жүргізіп бастаған адамдарға бір кеңес берер едім: егер сіз платформаны пайдаланып, контент жасасаңыз, TikTok-тағы жұмысыңызға барынша жауапкершілікпен және мұқият қараңыз. Интернетте айтатын әрбір сөзіңіз бен жасаған әрекетіңізді тексеріп отыруыңыз керек, әрі мұғалім ретінде адамдарға білім мен жақсылық жеткізетіндеріңізді ұмытпаңыз», - деп атап өтті 2023 жылғы #УчителяКазахстана конкурсының жеңімпазы, бастауыш сынып мұғалімі Игорь Гноевой.
Бұл жылы бастама серіктестері ретінде Қазақстан Республикасының Білім министрлігі мен Ғылым және жоғары білім министрлігі қайтадан ат салысуда. Жобаның ресми амбассадорлары ретінде химия пәнінің мұғалімі Ұлан Үсенов @wannabeteacher, сонымен қатар өткен жылғы байқаудың жеңімпаздары @khamza_d және @neverhaid белгіленді. Амбассадорлар TikTok-та қызықты контент жасау жолдарын айтып, мұғалімдер үшін арнайы вебинар өткізеді.
«Біз TikTok-пен бірлескен жобамыз мұғалімдерге шығармашылық оқыту тәсілдерін табуға шабыт береді деп үміттенеміз, және сонымен қатар оқу қызықты болуы мүмкін екенін көрсетіп, визуалды және интерактивті форматтар мұғалімдерге материалды тиімді әрі қызықты түрде жеткізуге көмектесетініне сенеміз. «Бұл жоба мұғалімдер мен оқушыларға көп шабыт пен жаңа идеялар сыйлайды деп үміттенемін», - деді Қазақстан Республикасының Білім министрлігінің баспасөз хатшысы Мереке Амангелдыкызы.
«Біз #УчителяКазахстана байқауына екінші жыл қатарынан қолдау көрсетіп отырмыз. Бұл жоба біз үшін аса маңызды, себебі ол мұғалімдерге ғылымды көптеген адамдарға насихаттауға, білімдерімен қызықты форматта бөлісуге және халықтың білімге деген қызығушылығын арттыруға мүмкіндік береді. Біз TikTok-тың пайдаланушыларға білім алуға және дүниетанымын кеңейтуге, ал ұстаздарға шығармашылық жағынан дамуға және өз өнерлерін жаңа қырынан көрсетуге мүмкіндік беретініне өте қуаныштымыз», - деді ҚР ҒЖБМ Жоғары және жоғары оқу орнынан кейінгі білім комитеті төрағасының орынбасары Жанна Есинбаева
Конкурсқа қатысуға TikTok-та білім беру контентін жасайтын немесе бұл істі бастағысы келетін мектеп мұғалімдері мен колледж және жоғары оқу орындарының оқытушылары шақырылады. Ол үшін 2024 жылдың 4 қарашасынан 3 желтоқсанына дейін қатысушыларға TikTok-та өз пәндеріне сәйкес қысқа білім беру бейнероликтерін жариялау қажет. Бейнероликтердің ұзақтығы 30 секундтан кем болмауы керек, ал оларды жариялау кезінде #учителяказахстана хештегін қолдану қажет.
Биыл ұлттық байқауда үш жеңімпаз болады, олар мектеп мұғалімдері немесе жоғары оқу орындарының оқытушылары арасынан таңдалады. Жеңімпаздар лайктардың, көрсетілімдердің саны, бейнероликтердің сапасы және пәнге сәйкестік сияқты өлшемшарттар бойынша анықталады.
Жеңімпаздарға жоғары сапалы бейнеконтент жасауда және TikTok-та дамуда көмектесетін iPhone 16 Pro смартфондары сыйға тартылады. Толық ақпарат TikTok қосымшасындағы байқау парақшасында қолжетімді.
