TikTokដោយ Cormac Keenan ប្រធានផ្នែកជំនឿចិត្ដ និងសុវត្ថិភាព
ឥឡូវនេះ យើងប្រកាសពីការធ្វើបច្ចុប្បន្នភាពចំពោះគោលការណ៍ណែនាំសហគមន៍របស់យើងដើម្បីបង្កើនកិច្ចគាំទ្រដល់ភាពស្ងប់សុខរបស់សហគមន៍ ក៏ដូចជាសេចក្ដីសុចរឹតប្លេតហ្វមរបស់យើង។ តម្លាភាពជាមួយសហគមន៍ ពិតជាមានសារៈសំខាន់ចំពោះយើង ហើយបច្ចុប្បន្នភាពទាំងនោះធ្វើឱ្យងាយស្រួល ឬបកស្រាយក្បោះក្បាយទៅលើប្រភេទអត្ដចរឹក និងមតិកាមួយចំនួន ដែលយើងនឹងលុបចេញពីប្លេតហ្វម ឬ កំណត់មិនអនុញ្ញាតឱ្យបញ្ចេញមតិ ក្នុងហ្វីដ [For You]។ យើងបង្កើនការពង្រឹងកិច្ចការពារ ដូច្នេះ TikTok អាចបន្ដកៀរគរអ្នកប្រើប្រាស់ឱ្យបង្កើត ផ្សារភ្ជាប់ទំនាក់ទំនង និងរីករាយជាមួយការកម្សាន្ដបែបសហគមន៍រយៈពេលយូរអង្វែង។
កសាងប្លេតហ្វមកម្សាន្ដប្រកបដោយសុវត្ថិភាព និងសន្ដិសុខ
នៅ TikTok យើងជឿជាក់ថា អ្នកប្រើប្រាស់ប្លេតហ្វមផ្ដោតលើវីដេអូខ្លីៗនេះគួរតែអាចបញ្ចេញអ្វីពីខ្លួនឯងតាមបែបផែនច្នៃប្រឌិត និងកម្សាន្ដសប្បាយក្នុងបរិយាកាសសុវត្ថិភាព សន្ដិសុខ និងកក់ក្ដៅ។ គោលការណ៍ណែនាំសហគមន៍របស់យើងគាំទ្រលើកិច្ចការនេះតាមរយៈការបង្កើតបទដ្ឋានមួយឈុត។ ដូច្នេះ អ្នកប្រើប្រាស់ស្វែងយល់ពីមាតិកាប្រភេទណាដែលគួរបង្កើតនៅលើប្លេតហ្វម ហើយអ្នកទស្សនាដឹងពីអ្វីដែលត្រូវរាយការណ៍មកយើង។ គោលនយោបាយរបស់យើងត្រូវបានបង្កើតឡើងដើម្បីលើកតម្កើងបទពិសោធដែលផ្ដោតអាទិភាពចម្បងទៅលើសុវត្ថិភាព ការផ្ដល់សិទ្ធិស្មើភាព និងភាពត្រឹមត្រូវតាមច្បាប់។ ពួកគេទទួលខុសត្រូវលើពាក្យពេចន៍គន្លឺះ និងការគំរាមកំហែងដើម្បីត្រួតពិនិត្យទូទាំងបណ្ដាញអ៊ីធឺណិត ក៏ដូចជានៅលើប្លេតហ្វមរបស់យើង។ យើងក៏ស្ដាប់មតិយោបល់ពីសហគមន៍ និងដៃគូក្នុងស្រុក ព្រមទាំងក្រុមជំនាញក្នុងវិស័យផ្សេងៗទៀត ដូចជា សុវត្ថិភាព និងសន្ដិសុខឌីជីថល ការកែសម្រួលមាតិកាឱ្យសមប្រកប សុខភាព និងភាពស្ងប់សុខ ក៏ដូចជា ការអភិវឌ្ឍរបស់ក្មេងជំទង់។
ការធ្វើបច្ចុប្បន្នភាពមួយចំនួន ដែលយើងប្រកាសថ្ងៃនេះ និងអនុវត្ដរយៈពេលប៉ុន្មានសប្ដាហ៍ខាងមុខ រួមមាន៖
- ពង្រឹងគោលនយោបាយចាត់វិធានការលើមាតិកាគ្រោះថ្នាក់ និងស្មុគស្មាញ៖ យើងបន្ដអនុវត្ដវិធានការរឹតបន្ដឹង ដែល យើងធ្លាប់បានប្រកាស ដើម្បីជួយទប់ស្កាត់មតិកាបែបនេះ រួមទាំង ការបោកបញ្ឆោតឱ្យមានអំពើអត្ដឃាត ដែលត្រូវបានផ្សព្វផ្សាយនៅលើប្លេតហ្វមរបស់យើង។ បញ្ហានេះ ធ្លាប់ត្រូវបានកំណត់នៅក្នុងគោលនយោបាយរបស់យើងស្ដីពីការធ្វើអត្ដឃាត និងបង្កគ្រោះថ្នាក់ដល់ខ្លួនឯង តែពេលនេះវានឹងត្រូវបានបែងចែកនៅក្នុងប្រភេទគោលនយោបាយដាច់ដោយឡែកជាមួយនឹងការបញ្ចូលព័ត៌មានលម្អិតបន្ថែម។ ដូច្នេះ វាកាន់តែងាយស្រួលសម្រាប់សហគមន៍យើងក្នុងការស្វែងយល់គោលនយោបាយទាំងនេះ។
- ពង្រីកទស្សនៈវិស័យចំពោះជំងឺអប្រក្រតីភាពនៃការទទួលទានអាហារ៖ ខណៈយើងបានលុបចោលមាតិកា ដែលបង្កើនការកើតជំងឺអប្រក្រតីភាពនៃការទទួលទានអាហាររួចហើយ យើងនឹងចាប់ផ្ដើមលុបការផ្សព្វផ្សាយស្ដីពីអប្បកិរិយាទទួលទានខុសប្រក្រតី។ យើងកំពុងធ្វើឱ្យមានការផ្លាស់ប្ដូរបែបនេះ ក្នុងការប្រឹក្សាជាមួយអ្នកជំនាញជំងឺអប្រក្រតីភាពនៃការទទួលទានអាហារ ក្រុមអ្នកស្រាវជ្រាវ និងក្រុមគ្រូពេទ្យ ដូចដែលយើងបានដឹងថា មនុស្សអាចជួបការលំបាកក្នុងការទទួលទានដែលប៉ះពាល់ដល់សុខភាព និងធ្វើអប្បកិរិយាដោយគ្មានកើតបញ្ហាអ្វីទាំងអស់។ គោលបំណងរបស់យើងគឺទទួលស្គាល់អាការជាច្រើនទៀត ដូចជា ការធ្វើលំហាត់ប្រាណខ្លាំងពេក ឬតមអាហាររយៈពេលខ្លី ដែលជារឿយៗវាជាសញ្ញាអាចបង្កគ្រោះថ្នាក់ មិនសូវដឹង។ នេះគឺជាចំណុចប្រហាក់ប្រហែល ដែលពិបាកក្នុងការបែងចែក ហើយយើងកំពុងបំពេញកិច្ចការដើម្បីបង្វឹកក្រុមការងាររបស់យើងឱ្យបន្ដយកចិត្ដទុកដាក់ខ្ពស់ចំពោះមាតិកាដ៏ទូលំទូលាយ។
- បន្ថែមភាពលាក់ច្បាស់លើប្រភេទមនោគមវិជ្ជាបង្កការស្អប់ខ្ពើមដែលត្រូវបានហាមឃាត់នៅលើប្លេតហ្វមរបស់យើង៖ ទាំងនេះ រួមមាន ឈ្មោះក្លែងក្លាយ ភេទមិនត្រឹមត្រូវ ឬបង្ហាញការស្អប់ខ្ពើមលើស្ដ្រី ក៏ដូចជា មាតិកា ដែលគាំទ្រ ឬលើកស្ទួយដល់កម្មវិធីកែប្រែចំណង់សម្ព័ន្ធផ្លូវភេទពីការស្រឡាញ់ភេទផ្ទុយទៅជាការប្រតិព័ទ្ធភេទដូចគ្នា។ ថ្វីដ្បិតតែមនោគមវិជ្ជាទាំងនេះត្រូវបានហាមឃាត់លើ TikTok តាំងពីយូរយារយ៉ាងណា យើងបានស្ដាប់ឮបញ្ហាទាំងនេះពីក្រុមអ្នកបង្កើតមាតិកា និងអង្គការសង្គមស៊ីវិល ជាកត្ដាសំខាន់ដែលគួរចែងនៅក្នុងគោលការណ៍ណែនាំសហគមន៍របស់យើង។
- ពង្រីកវិសាលភាពគោលនយោបាយរបស់យើងដើម្បីការពារសន្ដិសុខ សេចក្ដីសុចរឹត ភាពអាចប្រើជាប្រយោជន៍ និងភាពអាចទុកចិត្ដបាន៖ ទាំងនេះ រួមមាន ការហាមឃាត់អ្នកមិនមានការអនុញ្ញាតចូលប្រើ TikTok ព្រមទាំង មាតិកា គណនី ប្រព័ន្ធ ឬទិន្នន័យរបស់ TikTok និងហាមឃាត់ការប្រើប្រាស់ TikTok ក្នុងបំណងប្រព្រឹត្ដិសកម្មភាពឧក្រិដ្ឋ។ បន្ថែមពីការអប់រំសហគមន៍របស់យើងស្ដីពីវិធីសាស្ដ្រក្នុងការស្វែងរក បញ្ចៀស និងរាយការណ៍សកម្មភាពគួរឱ្យសង្ស័យ យើងនឹងបើកដំណើរការមជ្ឈមណ្ឌលត្រួតពិនិត្យ និងស៊ើបអង្កេតឧប្បត្ដិហេតុបង្កអន្ដរាយនៅលើអ៊ីនធឺណិតជាមួយបច្ចេកវិទ្យាទំនើបចុងក្រោយបំផុត នៅក្នុងទីក្រុងវ៉ាស៊ីងតោន ឌីស៊ី ទីក្រុងឌូប្លីន និងសិង្ហបុរី នាឆ្នាំនេះ។ ការដាក់ឱ្យដំណើរការមជ្ឈមណ្ឌលសហប្រតិបត្ដិការរបស់ TikTok អនុញ្ញាតឱ្យមានប្រព័ន្ធត្រួតពិនិត្យការគំរាមកំហែងក្នុងពេលដំណាលគ្នានៃម៉ោងវេលាខុសៗគ្នាទៅតាមដំណើររបស់ព្រះអាទិត្យ និងបណ្ដាញប្រមូលព័ត៌មានប្រកបដោយភាពវៃឆ្លាត ពេលយើងបន្ដធ្វើការជាមួយអ្នកជំនាញឈានមុខក្នុងឧស្សាហកម្មដើម្បីសាកល្បង និងពង្រឹងកិច្ចការពាររបស់យើង។
លើសពីនេះ សហគមន៍របស់យើងអាចស្វែងរកព័ត៌មានបន្ថែមអំពី ប្រភេទមាតិកា ដែលមិនអនុញ្ញាតឱ្យបញ្ចេញមតិយោបល់នៅលើហ្វីដ [For You]។ ខណៈសមត្ថភាពស្វែងរកគំនិតថ្មីៗ ទាំងក្រុមអ្នកផលិតមាតិកា និងទាំងចំណាប់អារម្មណ៍គឺជាផ្នែកមួយក្នុងចំណោមអ្វីដែលធ្វើឱ្យប្លេតហ្វមរបស់យើងកាន់តែវិសេស មាតិកាក្នុងហ្វីដ [For You] របស់នរណាម្នាក់អាចផុសឡើងពីអ្នកផលិតមាតិកាណាម្នាក់ដែលពួកគេមិនបានជ្រើសរើសតាមដាន ឬចំណាប់អារម្មណ៍ណាមួយ ដែលពួកគេមិនធ្លាប់ទាក់ទងកន្លងមកសោះ។ នោះជាមូលហេតុនៅពេលដែលយើងអាចប្រទះមាតិកាដែលមិនសមទំនងសម្រាប់ទស្សនិកជនទូទៅ ដែលរួមទាំងក្រុមមនុស្សគ្រប់ៗរូប ចាប់ពីយុវវ័យរហូតដល់ជីដូនជីតាលួត យើងខិតខំប្រឹងប្រែងអស់ពីសមត្ថភាពក្នុងការលុបវាចេញពីប្រព័ន្ធផ្ដល់មតិយោបល់របស់យើង។
រាល់សមាជិកសហគមន៍របស់យើងទាំងអស់នឹងត្រូវបានលើកទឹកចិត្ដឱ្យអានគោលការណ៍ណែនាំទើបធ្វើបច្ចុប្បន្នភាពថ្មីៗនេះ នៅពេលពួកគេបើកកម្មវិធីលើទូរស័ព្ទក្នុងរយៈពេលប៉ុន្មានសប្ដាហ៍ខាងមុខទៀត។
បន្ដរក្សាការទទួលខុសត្រូវចំពោះសហគមន៍របស់យើង
ភាពរឹងមាំនៃគោលនយោបាយពឹងអាស្រ័យលើសមត្ថភាពក្នុងការអនុវត្ដវា។ គោលការណ៍ណែនាំសហគមន៍របស់យើងដាក់ឱ្យអនុវត្ដសម្រាប់មនុស្សគ្រប់រូប និងគ្រប់មាតិកាទាំងអស់នៅលើ TikTok ហើយយើងនៅតែពុះពាររក្សាភាពមាំមួន និងប្រកបដោយសមធម៌ចំពោះការអនុវត្ដរបស់យើង។ យើងប្រើប្រាស់ការច្របាច់បញ្ចូលគ្នារវាងបច្ចេកវិទ្យា និងកិច្ចការរបស់មនុស្សក្នុងការកំណត់សម្គាល់ និងលុបរាល់ការបំពានគោលការណ៍ណែនាំសហគមន៍របស់យើង ហើយយើងនឹងបន្ដបង្វឹកប្រព័ន្ធស្វ័យប្រវត្ដិកម្ម និងក្រុមការងារសុវត្ថិភាពរបស់យើងដើម្បីលើកកម្ពស់គោលនយោបាយ។
ដើម្បីពង្រឹងសមត្ថភាពទទួលខុសត្រូវចំពោះសហគមន៍ អង្គការក្រៅរដ្ឋាភិបាល និងអង្គភាពដទៃ យើងបានបញ្ចេញ របាយការណ៍អនុវត្ដគោលការណ៍ណែនាំសហគម៍ ទៅតាមត្រីមាស។ របាយការណ៍ចុងក្រោយបំផុតរបស់យើង ដែលចុះផ្សាយនៅថ្ងៃនេះ បានបង្ហាញថា វីដេអូបំពានជាង ៩១លានឃ្លីប ត្រូវបានលុបចោលអំឡុងពេលត្រីមាសទី ៣ នៃឆ្នាំ២០២១ ដែលស្មើប្រមាណ ១ភាគរយនៃវីដេអូត្រូវបានបង្ហោះលើប្លេតហ្វមទាំងអស់។ ច្បាស់ណាស់ វីដេអូ ៩៥,១ ភាគរយ ត្រូវបានលុបចោលមុនពេលមានអ្នកប្រើប្រាស់ណាម្នាក់រាយការណ៍ពីវា ៨៨,៨ ភាគរយ ត្រូវបានលុបមុនពេលវីដេអូត្រូវបានចូលមើល ហើយ ៩៣,៩ ភាគរយ ជាវីដេអូត្រូវបានបង្ហោះរយៈពេល ២៤ម៉ោងចុងក្រោយ។ យើងបន្ដពង្រីកសមត្ថភាពប្រព័ន្ធរបស់យើង ដែលស្វែងរក និងលុបចោលវីដេអូបំពានតាមប្រភេទមួយចំនួនដែលត្រូវបានបង្ហោះលើ TikTok រួមទាំង រូបភាពអាគ្រាតរបស់មនុស្សពេញវ័យ និងសកម្មភាពកាមគុណ សកម្មភាពប៉ះពាល់សុវត្ថិភាពកុមារ និងខុសច្បាប់ ក៏ដូចជាទំនិញផ្ទុកសារធាតុហាមឃាត់។ ជាលទ្ធផល ទំហំនៃការលុបមាតិកាបំពានស្វ័យប្រវត្ដិមានការកើនឡើង ដែលធ្វើឱ្យប្រសើរឡើងដល់សុវត្ថិភាពប្លេតហ្វមរបស់យើងជាទូទៅ ក៏ដូចជាអនុញ្ញាតឱ្យក្រុមការងារយើងផ្ដោតលើការត្រួតពិនិត្យមាតិកាបរិបទ និងប្រហាក់ប្រហែលគ្នា ដូចជា សម្ដីបែបស្អប់ខ្ពើម ប្រមាថ និងរុកគួន ព្រមទាំង ភាន់ច្រឡំ។
យើងបានអភិវឌ្ឍឱ្យប្រសើរឡើងនូវគោលនយោបាយ និងការអនុវត្ដរបស់យើង រួមទាំង សមត្ថភាពសម្រេចជោគជ័យ ទាំងល្បឿន និងភាពរឹងមាំ ទោះបីជាយើងទទួលស្គាល់ថា វាគ្មានទីបញ្ចប់ ពេលសំដៅលើការរក្សាពារពារសុវត្ថិភាពដល់អ្នកប្រើប្រាស់យ៉ាងណាក៏ដោយ។ យើងពុះពារឆ្ពោះទៅមុខដោយសារយើងមានឆន្ទះជួយមនុស្សគ្រប់រូបឱ្យទទួលបានបទពិសោធដ៏ល្អ និងកាន់តែប្រសើរឡើងនៅលើ TikTok៕
