ٹک ٹاک نے Q3 2025 کمیونٹی گائیڈ لائنز انفورسمنٹ رپورٹ جاری کر دی

ہم نے اپنی Q3 2025 کمیونٹی گائیڈ لائنز انفورسمنٹ رپورٹ جاری کر دی ہے، جس میں صارفین کے لیے ایک محفوظ ڈیجیٹل ماحول فراہم کرنے کے عزم کو اجاگر کیا گیا ہے۔ یہ رپورٹ جولائی سے ستمبر 2025 تک کے ڈیٹا پر مشتمل ہے اور اس میں ان اقدامات کی تفصیل دی گئی ہے جو ہماری کمیونٹی گائیڈ لائنز کی خلاف ورزی کرنے والے کنٹنٹ کی نشاندہی اور اسے ہٹانے کے لیے کیے، تاکہ عالمی کمیونٹی کے لیے ایک مثبت تجربہ یقینی بنایا جا سکے۔  اس سہ ماہی کے دوران، ہم نے پاکستان میں کمیونٹی گائیڈ لائنز کی خلاف ورزی پر مجموعی طور پر 91% ویڈیوز کو ہٹا دیا۔ پاکستان میں پروایکٹو ریموول ریٹ 99.3% رہا، جبکہ ان میں سے 94.8% ویڈیوز کو 24 گھنٹوں کے اندر ہٹا دیا گیا۔جیسے جیسے یہ کام زیادہ تر ٹیکنالوجی کے ذریعے انجام دیے جاتے ہیں، ہماری سیفٹی ٹیمیں اپنے وقت کو ان امور پر زیادہ مرکوز کر سکتی ہیں جہاں انسانی مہارت سب سے زیادہ اہمیت رکھتی ہے جیسے اپیلز کا جائزہ لینا، ماہرین سے رہنمائی حاصل کرنا، اور تیزی سے بدلتے حالات کا فوری جواب دینا۔عالمی سطح پر، اس سہ ماہی میں ہم نے مجموعی طور پر 204 ملین (204,534,932) ویڈیوز کو ہٹایا، جو پلیٹ فارم پر اپلوڈ ہونے والے کل کانٹینٹ کا تقریباً 0.7% بنتا ہے۔ ہٹائی گئی ویڈیوز میں سے 186,608,081 ویڈیوز خودکار ڈیٹیکشن ٹیکنالوجیز کے ذریعے شناخت اور حذف کی گئیں، جبکہ مزید جائزے کے بعد 8,950,735 ویڈیوز بحال بھی کی گئیں۔ اس دوران پروایکٹو ریموول ریٹ 99.3% رہا، اور 94.8% رپورٹ شدہ مواد کو پوسٹ ہونے کے 24 گھنٹوں کے اندر ہٹا دیا گیا۔ ہماری سالمیت (Integrity) کو برقرار رکھنے کے لیے، اس سہ ماہی میں پلیٹ فارم نے 118,618,399 جعلی اکاؤنٹس کو حذف کیا، جبکہ 22,226,542 ایسے اکاؤنٹس بھی ہٹائے گئے جن کے بارے میں شبہ تھا کہ وہ 13 سال سے کم عمر افراد کے ہیں۔رپورٹ کے مطابق، ہٹائی گئی مجموعی ویڈیوز میں سے 30% میں حساس یا بالغ موضوعات شامل تھے جو ہمارے کنٹنٹ سے متعلق پالیسیز سے مطابقت نہیں رکھتے تھے۔ مزید 15.7% ویڈیوز نے سیفٹی اور شائستگی کے اصولوں کی خلاف ورزی کی، جبکہ 2.7% کانٹینٹ پرائیویسی اور سیکیورٹی گائیڈ لائنز کے خلاف تھا۔ اس کے علاوہ، 32.9% ویڈیوز کو غلط معلومات (Misinformation) کے طور پر فلیگ کیا گیا، جبکہ 34.4% ہٹائی گئی ویڈیوز ایڈیٹڈ میڈیا یا اے آئی سے تیار کردہ مواد پر مشتمل تھیں۔کمیونٹی گائیڈ لائنز انفورسمنٹ رپورٹ کی باقاعدہ اشاعت مواد اور اکاؤنٹس سے متعلق اقدامات کے پیمانے اور نوعیت پر روشنی ڈالتی ہے، جو ہمارے شفافیت کے عزم کو ظاہر کرتی ہے۔ Q3 2025 رپورٹ کی مزید تفصیلات اور ہمارے کنٹنٹ سے متعلق گائیڈ لائنز، ٹولز اور پالیسیز کے بارے میں جاننے کے لیے TikTok Transparency Centre ملاحظہ کریں، جو اردو اور انگریزی زبانوں میں دستیاب ہے۔